الطرق القانونيه للسفر أو الهجرة للخارج معلومات ونصائح للسفر والهجرة

الطرق القانونيه للسفر أو الهجرة للخارج

نظرا لكثرة الأسئلة  عن السفر أو الهجرة للخارج ساوضح لحضراتكم بعض الطرق القانونيه للسفر أو الهجرة للخارج ومن هنا نحن لا نشجع علي طرق السفر الغير شرعية والغير نظامية فقط اردنا توضيح الطرق الصحيحة والنظامية للسفر والهجرة للخارج.

تابع هنا: مطلوب أطباء في استراليا علي وجة السرعة في التخصصات التالية ( علاج طبيعي وتاهيل )

١- امريكا 🇺🇸 :

* فيزا السياحة B1/B2 : متطلباتها استماره التقديم DS-160 وليس لها شروط بعينها فالقبول او الرفض .. وفي اغلب المقابلات مش هيبص علي اي اوراق معاك سواء كشف حساب أو الاتش ار أو السجل والبطاقه الضريبيه ولا حتي الاملاك والملايين اللي معاك .. وتقدر تتكلم في المقابله باللغة العربيه عادي
— تعالي اقولك التركات اللي بتفيد إلي حد ما في المقابله دي : شغلك وسجل سفرياتك واللغه 👌
* فيزا الدراسه F1 : متطلباتها اول حاجه اللغه لانك لازم ف المقابله تتكلم انجليش مع القنصل + انك بتكون دافع مصاريف الجامعه او المعهد عشان تحصل علي فايل القبول منهم I20 اللي بتدخل بيه المقابله.
** طبعا في انواع فيز تاني هنتكلم عنها ف بوست لوحده ولكن دول اهمهم.
*الهجره القانونيه لامريكا : هي انك تربح في اللوتري اللي بيكون ميعاد تقديمه في شهر اكتوبر من كل سنه.

2- كندا 🇨🇦 :

* السياحه ليها مش سهله لو مش معاك فيزا امريكا للاسف
* الهجره : عن طريق النقاط PNP اللي بيكون من ضمنهم درجات في امتحان الآيلتس

3- استراليا 🇦🇺 :

* السياحه ليها مش سهله لازم يكون معاك سجل سفريات كتير ورصيد بنكي كبير محترم لانهم عارفين تكلفه السفر عاليه

تابع ايضا: 20 وظيفة بالنرويج قد تفتح الأبواب للحصول على تأشيرة عمل نرويجية

* الهجره : عن طريق النقاط زي كندا

وعندهم برنامج الهجرة العامة: وهو برنامج بيستهدف اللي عندهم مهارات محددة وشغالين في مهن مطلوبه في أستراليا ( زي العلماء والمخترعين والناس دي ).

4- دول اوروبا 🇪🇺 ( وتحديداً دول الشينجن ) :

*السياحه : بتحتاج كشف حساب بنكي كويس لمده ٦ شهور + خطاب اتش آر لو موظف أو سجل وبطاقه ضريبيه لو صاحب عمل ويفضل مسمي وظيفي في الباسبور بنفس الورق اللي هيتقدم.

وتركايه لو انت موظف والمرتب بيتحولك من الشغل علي حسابك البنكي تبقي باشا 👌

*الدراسه : بتحتاج حساب بنكي مغلق وده اغلب الدول بيكون برصيد مايعادل ال ١٠ الف يورو

*البحث عن العمل ( فيزا الفرصه لالمانيا ) : بتحتاج حساب بنكي مغلق + مستوي A2 في الالماني

*تعديل الوضع بالبرتغال : وده عن طريق التكوين المهني وده هتكلم عنه في بوست لوحده

5- بريطانيا 🇬🇧 :

*سياحه : بيركزوا جدا في كشف الحساب ولا كانهم مباحث الاموال العامه 😅

*دراسه : اسعار الجامعات هناك مرتفعه جداً

— معندهمش فيزا البحث عن عمل للاسف

6- ايرلندا 🇮🇪 :

نصيحه بلاش تقدم عليها لو مش معاك فيزا بريطانيا 🇬🇧 أو امريكا 🇺🇸

لانها صعبة جدا ووقت المعالجه بتاعهم ممكن يوصل ل ٣ شهور

7- قبرص اليونانيه 🇨🇾 :

بلد اوروبيه 🇪🇺 وليست في اتفاقيه الشينجن – الفيزا بتاعتها قبل يوم 31 مارس 2024 كانت بتدخل رومانيا وبلغاريا قبل انضمامهم للشينجن .. وكانت بتدخل كمان كرواتيا قبل ما تنضم هي كمان للشينجن يوم 1 يناير 2023 … وسعر تاشيرتها نفس سعر فيزا الشينجن.

تابع الان: رومانيا تلزم المتقدمين للحصول على الجنسية بتقديم بياناتهم البيومترية